Şəxsi brend gündəlik paylaşımdan ibarət deyil. Mövqe, mövzu və ritm — üçü bir yerdə işləməlidir.
Şəxsi brend qurmaq istəyən çoxu eyni səhvi edir: kameranı açır və danışmağa başlayır. Bir müddət sonra kontent bitir, çünki əsas yoxdur.
İlk 30 gün mövqe üçündür. Bir sual cavablandırılmalıdır: siz kimə, nə haqda, hansı fərqli baxışla danışırsınız? Bu üç elementdən biri əskikdirsə, auditoriya sizi xatırlamayacaq.
İkinci 30 gün mövzu bankı üçündür. Ən azı 40 mövzu yazın. Onları üç rubrikaya bölün: öyrədən, göstərən və mövqe bildirən. Bu bölgü kontentin monoton olmasının qarşısını alır.
Üçüncü 30 gün ritm üçündür. Həftədə üç dəfə paylaşım — həftədə yeddi dəfədən yaxşıdır, əgər yeddini davam etdirə bilmirsinizsə. Ardıcıllıq tezlikdən vacibdir.
90 gündən sonra ilk nəticələri ölçün: profil ziyarəti, saxlanma (save) və birbaşa mesaj. İzləyici sayı ən son baxılacaq göstəricidir.
Bu mövzunu öz biznesinizə necə tətbiq edəcəyinizi birlikdə müzakirə edək.
Pulsuz konsultasiya
